Një protestë e veçantë është bërë në edicionin e lajmeve të TV Telma në Maqedoni. Pas skandalit të përgjimeve. Në edicionin e lajmeve të së mërkurës gazetarja Jasminka Anevska mbante në tavolinë një telefon të kuq. Ndërsa lexonte lajmet, nuk pushonte zilja e telefonit. Në një moment ajo e kap receptorin, por e mbyll telefonim pa ndërprerë lajmet. Kjo protestë ishte kundër censurës dhe lajmeve të porositura “nga lart”. Ajo ka zgjedhur këtë mënyrë të protestuari pasi një ditë më parë nga lajmi i saj janë hequr pyetjet “provokative” që i bëri kryeministrit Nikolla Gruevski në lidhje me skandalin e përgjimeve që e zbardhi opozita.