Merkel “e ftohtë” përballë lotëve të një vajze që nuk donte të largohej nga Gjermania

Kancelarja gjermane Angela Merkel është gjendur në një pozicion të vështirë ndërsa është përpjekur t’i shpjegonte një vajze të vogël palestineze, se pse ajo dhe dhe familja e saj që kishin ardhur kohët e fundit në Gjermani duhej të dëboheshin nga vendi. Merkel ishte e ftuar në emisionin “Jeta e mirë në Gjermani” përpara një grupi fëmijësh të refugjatëve në Rostok të moshave nga 14 -17 vjeç, të ardhur 4 vite më parë nga një kamp refugjatësh në Liban. Me një gjermanishte të rrjedhshme vazja i shpjegon Merkel pse nuk donte të rikthehet në vendlindje, por të qëndronte dhe studionte në Gjermani. Kancelarja përpiqet t’ia bëjë të qartë se pse Gjermania është e detyruar t’i rikthejë refugjatët. Ligjërata e Merkel nuk zgjati shumë, pasi vajza e vogël shpërtheu në lot. Dhe Merkel iu afrua ta qetësojë.  Video është komentuar në rrjetet sociale se Merkel u tregua e ashpër me vajzën e vogël.