Një libër i ri i biografes britanike Ingrid Seward zbulon të dhëna interesante mbi aksidentin e Princeshës Diana. Libri ka përfshirë faqet e para të gazetave më të mëdha në Britani për shkak të një batute të Mbretëreshës Elisabetë kur mësoi për aksidentin. “Dikush ua paska vajosur frenat” – ka thënë Mbretëresha pasi mori vesh se në aksident ishte përfshirë edhe Diana. Kjo sipas një dëshmitari që ia ka besuar atë biografes. Diana u vra në një aksident automobilistik në Paris në gusht të 1997-ës duke shkaktuar një valë zemërimi në vend ndaj familjes mbretërore për mënyrën se si e trajtoi aksidentin. Biografja Seward tha për “Daily Mail” se në fillim u mendua që edhe pse aksidenti në tunelin Pont de l’Alma ishte serioz, Diana nuk kishte vdekur. Batuta e Mbretëreshës “se dikush ua kishte vajosur frenat” tregon shumë mbi marrëdhënien e tyre të mospëlqimit./lapsi.al/