Momenti i shpërthimit kamikaz në Turqi (Kujdes! Video me përmbajtje të rëndë)

Ky është momenti kur një bombë shpërtheu në kryeqytetin turk, Ankara, gjatë një manifestimi paqësor pro-kurd. Dy shpërthime u regjistruan këtë mëngjes në Ankara, ndërkohë që deri më tani flitet për të paktën 30 viktima dhe mbi 120 të plagosur. Mediat turke thonë se bëhet fjalë për shpërthime kamikazësh. Ndërkohë, foto të postuara në rrjetet sociale tregojnë trupa të pajetë në vendin e ngjarjes. Partia pro-kurde HDP ishte mes atyre që apeluan për mbajtjen e marshimit për “paqe dhe demokraci”, që pritej të niste në orën 12:00, me orën lokale. Në qershor, kur vendi ndodhej pranë zgjedhjeve të përgjithshme, një miting i së njëjtës parti në qytetin Dijarbakir u kthye në shënjestër të një shpërthimi. Muajin e ardhshëm Turqia do të mbajë të tjera zgjedhje.