Takimi i regjisores shqiptare me aktoren e njohur të Hollywood, Susan Sarandon, mori përmasat e një lajmi bombë në median e Alketa Vejsiut. Prezantuesja e spektakleve të Grabockës përcolli tek lexuesit e revistës së saj, ashtu si edhe në skenë, me pathos takimin në Los Angelos, ku Vera dhe Susan darkuan në një restorant. Por, më shumë se foto ku dy gratë pozojnë krah njëra tjetrës, theksi vihet tek konkurenca mes tyre. Ja si peshohen format e të dyjave në artikullin e botuar nga Class:
“Vera Grabocka nuk u rri dot larg yjeve. I gjen, i zbulon, i krijon, ose i tërheq e i mbledh rreth vetes. Dhe me kalimin e kohës, yjet sa vijnë e bëhen më shkëlqyes. Në këtë foto e shohim me aktoren e njohur amerikane Susan Sarandon. Ato janë takuar në një restorant në Los Angeles, në një darkë me miq të përbashkët. Pas bujës në SGA Awards ku Susan u gjykua për dekoltenë e tepruar, atë e shohim të veshur casual, si aktorja dhe aktivistja shfaqet më shpesh në jetën e saj të përditshme. Por duhet ta pranojmë. Vera Grabocka, është shumë herë më në formë sesa aktorja amerikane.”