• |
ide | kryesore

Rrëfehet këngëtarja e lidhur me deputetin kosovar

Arkiva, Paparazzi
tmp_5892-ivaaliko2-259x35096382414.jpg



Iva Aliko është ndër vajzat e reja që nuk ka frikë t’i thotë gjërat troç. Në këtë intervistë për “Bluetooth”, ajo flet për herë të parë për historinë që ka me një deputet Kosovar. Edhe pse ai është i martuar, ajo pranon se e shijon kohën me të dhe nuk kërkon ti shkatërrojë familjen. Mesa duket biondja seksi jo pak ngacmime ka marrë edhe nga deputetët shqiptarë, por i ka refuzuar. Idhulli i Ivës vazhdon të mbetet Sali Berisha, për figurën politike që ka, ndërkohë më seksi sipas saj është Lulzim Basha.

Ditët e fundit mediat kanë folur se një politikan në moshë të madhe ju ka dhuruar një shtëpi, sa i vërtetë është ky lajm?
Po është shumë e vërtetë. Bëhet fjalë për një deputet kosovar, jo shqiptar. Është fakt tashmë që më ka dhuruar një apartament tek “Komuna Parisit”.

A keni një lidhje ju të dy, apo thjesht ju ka ngacmuar?
Jo ne të dy jemi të lidhur prej disa muajsh.

Po bashkëjetoni?
Jo nuk po bashkëjetojmë, takimet tona janë mes Tiranës dhe Kosovës.

Është i martuar?
Po është i martuar, jeton në Kosovë me familjen.

Si jeni njohur ju të dy?
Në fakt ka qenë një miku im që na ka prezantuar para pak kohësh.

Është një ministër i qeverisë kosovare?
Nuk dua të jap më shumë të dhëna, mjafton që është një deputet shumë i njohur në Kosovë.

Një tjetër ministër është ndarë nga gruaja për të jetuar me modelen, Diana Avdiu, a do ta bënit dhe ju publik emrin e tij?
Jo, nuk dua ta bëj publik se nuk dua t’i shkatërroj familjen.

Në çfarë pike është lidhja juaj, a jeni të dashuruar?
Nuk është se jemi të dashuruar, jemi në fazën e simpatisë.

Çfarë ju josh tek i dashuri juaj politikan?
Është shumë i përkushtuar ndaj meje. Më plotëson dëshirat dhe tekat e mia, më respekton.

Trembeni teksa mendoni se dikush mund t’ju shohë gjatë takimeve tuaja?
Natyrisht që e kam edhe këtë frikë, por takimet tona janë shumë të fshehta. I shmangim ambientet publike.

E mendon ai të ndahet nga gruaja?
Jo, dhe unë as nuk dua që ta mendojë.

Ndërkohë Iva si këngëtare, pse i hytë kësaj rruge?
Mendoj se kam zë, po marr mësime private nga një mësuese kantoje. Plus që është një nga pasionet e mia.

I ke parë koleget e tua, Xhesika Ndoj, Gugu, që kanë deklaruar historitë e tyre me politikan, mendoni se mashtrojnë?
Po, i kam parë. Nuk mendoj se mashtrojnë. Përderisa i thonë, diçka të vërtetë duhet të ketë.

I trembeni paragjykimeve për faktin se ke një histori me një burrë të martuar?
Nuk më intereson shumë pjesa e paragjykimeve.

Jeni gjithnjë ekstravagante, do guxonit të vinit nudo?
Mendoj se po.

Pak kohë më parë jeni shprehur se keni një simpati për Berishën, çfarë simpatie është kjo?
Duhet të sqaroj që Berishën e vlerësoj shumë për figurën politike që ka, e shoh si idhull. Normalisht që nuk mund ta shikoj si mashkull, aq më tepër për moshën që ka.

Kush nga politikanët shqiptarë të duket më seksi?
Padyshim që Lulzim Basha.

A ju ka ngacmuar ndonjë politikan shqiptar?
Po, madje jo më larg se dje më erdhi një sms, nga një deputet shqiptar, që më shumë më bëri për të qeshur.

Si e mendon Iva të ardhmen e saj?
Mendoj se është diçka që nuk mund ta parashikoj. E shikoj muzikën si pjesë timen të pandarë, ndërsa pjesën tjetër, do t’ia lëmë kohës.