Tashmë të gjithë e identifikojnë si Rihanna shqiptare.
Era Istrefi e cila shkëlqeu në arenën ndërkombëtare me hitin “BonBon”, u shfaq këtë të shtunë në skenën e spektaklit të famshëm gjerman “Schlag den Star”.
E ftuar speciale në televizionin ProSieben, 22-vjeçarja nga Prishtina dhuroi një performancë të krahasueshme me ato që jemi mësuar të shohim nga yjet botëror të showbiz-it.
Paraqitja e saj ishte fokusuar tek koreografia me lëvizje provokuese, duke nxjerrë në pah stilin sensual.
Pavarësisht se nuk këndoi live, interpretimi i parë i Era Istrefit përpara një publiku të huaj, duket se kaloi me sukses.
Konfirmimin e dha vetë prezantuesi gjerman i cili nuk u mjaftua vetëm nga 3 minuta këngë në shqip, por preferoi t’i drejtohet Erës sërish në gjuhën tonë.