• |
ide | kryesore

Zbulohet në Gjermani dorëshkrimi misterioz për “fundin e botës”

Arkiva, Planet
2012-original.jpg



Fundi i botës apo Apokalipsi ka qenë një ndër mendimet kryesore në shekullin e 15­të. Shumë tekste dhe harta të ndryshme flisnin për ditën e fundit të botës, ashtu si fiset Maja apo të tjerë profetë dhe magjistarë, por datat shpesh ishin të ndryshme dhe mënyra e fundit të botës nuk ishte e njëjtë në gjithë parashikimet.

Por një dorëshkrim misterioz është gjetur në Lybek të Gjermanisë. “Harta e Ferrit” zbulon se si mund të jetë fundi i botës. Dorëshkrimi përshkruan fundin e botës nëpërmjet hartave. Ai është shkruajtur në latinisht, dhe flet për një AntiKrisht, ngritjen e Islamit dhe ngjarje të tjera që pasonin Ditën e Gjykimit, që sipas tyre ishte parashikuar në vitin 1651. Autori i këtyre hartave është i panjohur, por disa spekulojnë në bazë të hartave se ai ka qenë një person i shkolluar, një doktor i njohur si “Baptista”.

Dorëshkrimi është prodhuar në Lybek të Gjermanisë mes viteve 1486 dhe 1488 dhe momentalisht gjendet në Bibliotekën Huntington në Kaliforni. Profecia nis duke përshkruar me një hartë gjendjen e botës nga viti 639 deri në 1514. Autori paralajmëron ngritjen e Islamit dhe rritjen e kërcënimit në botën e krishterë.

“Nuk ka rrugë shpëtimi, Islami do pushtojë botën”, shkruan autori i cili më vonë flet edhe për “Shpatën e Islamit” duke thënë se Islami do të pushtojë Europën dhe më tej. Më pas autori përshkruan se çfarë do të ndodhë mes viteve 1515 dhe 1570. Pas rritjes së Islamit ai parashikon rritjen e AntiKrishtit mes viteve 1570 dhe 1600. Më pas me anë të hartave ai tyhotë se në shekullin e 16­të do të mbretërojë krishtërimi. Krijuesit më pas bën një përllogaritje të ditancës mes Gjermanisë dhe Parajsës, që simbolizon Jeruzalemin, dhe distancës mës Tokës dhe Ferrit. Dorëshkrimi i tij mbyllet me “5 shpatat e Islamit”. Katër janë të vendosura në shtete të ndryshme europiane dhe njëra prej tyre, e parafundit, është pikërisht mbi qytetin e Romës. Shpata e pestë është bosh dhe nuk ka një vend të saktë ku do të godasë.

“Kur të ndodhë që shpata e fundit do vendoset në vendin e vet, fundi i botës do jetë vetëm disa ditë larg”, shkruan autori./lajmi.net/