Emri i tij është i njohur në rrethet e këngëtarëve në Kosovë. Por, përpara se të bëhej menaxheri i yllit të ri të muzikës dhe më pas i dashuri i Era Istrefit, Faton Shoshi ka qenë në lidhje me motrën e vogël Ismaili. Vetë Zanfina ka folur për marrëdhënien e dikurshme me të, e cila zgjati rreth 5 vjet.
Këngëtarja nga Kosova tha se me Fatonin janë ndarë me mirëkuptim dhe s’kanë përse të kenë marrëdhënie të keqe. "Nuk kemi marrëdhënie të këqija.", tha ajo në "Elite Zone", "Kur takohemi përshëndetemi, dhe kaq". Ajo bëri humor me idenë tipike të ndarjes, kur dy ish-të dashur kthehen në armiq. "Nuk ishte një nga ato ndarjet "tani e tutje jemi në gjak". Pra nëse takohemi, nuk kemi një armë gati në xhep." Marrëdhënia e tyre nisi në vitin 2009 dhe u përfol shumë në media. Ata shfaqeshin shpesh së bashku me motrat e saj, Adelinën dhe Emën.