Hysaj flet si lider i Napolit. Në një intervistë për mediat italiane, mbrojtësi i Kombëtares shqiptare tregon momentet e bukura në këtë qytet, por edhe objektivat në aspektin futbollistik. Ai thotë se Kombëtarja shqiptare ka të gjitha shanset për t’u kualifikuar në Botëror, ndërsa tregon edhe strategjinë që ndoqën për të marrë rezultat pozitiv ndaj Spanjës. Hysaj flet edhe për mungesën e golit, por thotë se nuk e ka problem që vetëm të asistojë.
Kam në këtë emision të ftuar mbrojtësin Elseid Hysaj, i cili për mua është gjithmonë një nga lojtarët më të mirë në fushën e lojës.
Ua kam thënë edhe të tjerëve që ti thua gjithmonë që unë jam më i miri në fushë, edhe atëherë kur nuk luaj.
Kur ndodhi kjo ndaj Kievos apo ndaj Bolonjës që ti nuk ishe në fushë dhe unë thashë që ishe më i miri?
Ndaj Kievos nuk luajta.
Mirë, le të kthehemi seriozë tani. Pesë ditë, 2 ndeshje shumë të rëndësishme dhe një stadium që do të mbushet plot.
Duhet të jemi shumë të përqendruar dhe të japim 101% në fushën e lojës për të harruar në këtë mënyrë humbjen që pësuam ndaj Romës. Duhet të tregojmë që jemi gjithmonë gati dhe që dimë të reagojmë.
Megjithatë, sërish do të mungojë Milik.
Kjo gjë dihet tashmë dhe në futboll mund të ndodhin këto gjëra. Sigurisht që kemi dëshirë për t’i bërë dhuratë fitoren.
Reina ka thënë se i vjen keq për këtë mungesë, por thotë që keni Gabiadinin dhe Napoli ka një grup të fortë.
Është e vërtetë. Jemi një grup futbollistësh shumë të mirë. Të gjithë janë gati për të bërë gjithçka dhe të ndihmojnë skuadrën si jashtë, ashtu edhe brenda fushës së lojës. Do ta ndihmojmë Gabiadinin që të gjejë golin.
Sarri ju ndaloi të flisni për Beshiktashin deri përpara Romës. Megjithatë tani duhet të flasim?
Mendoj që është diçka shumë e mirë ajo që bën trajneri. Futbollistët duhet të mendojnë gjithmonë për ndeshjen e radhës dhe pastaj të përgatiten për të ardhmen. Nuk mund të përgatiten kurrë dy ndeshje radhazi. Tani kemi luksin dhe kohën të mendojmë për ta.
Sa i emocionuar ishit në ndeshjen e parë të Ligës së Kampionëve?
Emocioni ka qenë shumë i madh. Kur dëgjon himnin e këtij kompeticioni ndien diçka shumë të bukur, ashtu si tifozët. Edhe unë kam qenë tifoz më parë, ndërsa tani isha në fushë. E nisa me fitore dhe më vjen mirë. Është bukur të luash përpara tifozëve të Napolit. Është një stadium madhështor.
Na tregoi diçka për kontratën e re dhe për Napolin.
Këtu ndihem si në shtëpinë time. Futbolli, tifozët, qyteti dhe gjithçka tjetër më pëlqejnë. Jam shumë i lumtur dhe shpresoj të jap maksimumin për këtë skuadër.
Këtë vit pati shumë afrime, por edhe largime. Si gjendet skuadra në këto momente?
Të rinjtë kanë gjetur menjëherë mbështetjen e lojtarëve të tjerë. Edhe unë kur erdha një vit më parë u gjenda mjaft mirë sepse Napoli është një skuadër e mrekullueshme.
Kanë ardhur edhe dy ish-shokët e tu të skuadrës si Toneli dhe Zielinski.
Janë dy lojtarë shumë të rëndësishëm dhe kur të kenë mundësinë për të luajtur me Napolin do të tregojnë vlerat e tyre. Napoli ka marrë dy futbollistë të shkëlqyer.
Ju keni realizuar shumë ëndrra në pak kohë. Në fillim debutuat në Serinë A, pastaj luajtët në Champions dhe në Europian me Shqipërinë. A është Botërori objektivi i radhës?
Sigurisht që po. Me De Biazin është gjithçka e mundur. Kemi luajtur mirë dhe kemi bërë ndeshje shumë pozitive dhe shpresojmë të vazhdojmë kështu për të përjetuar të tjera momente të gëzueshme dhe kënaqësi.
Ndaj Spanjës, çfarë po bënit? Tentuat të luanit me 10 veta në mbrojtje për të mos e lënë të dilte në lojën e saj. Çfarë të tha Reina dhe Kajehon?
Nuk ishin të rebeluar për lojën tonë, por për fitoren që arritën. Ne donim të bënim ashtu si Italia disa ditë më parë dhe menduam që mund të merrnim rezultat pozitiv.
Presidenti i Empolit ka thënë “nuk shoh vetëm rezultatin e Napolit, por edhe notën e Hysajt”. Çfarë do të thotë kjo për ju?
E vlerësoj shumë. Ka qenë një person që më ka thënë një dorë në kampionatin italian dhe më ka ndihmuar shumë. Unë dua të bëj më të mirën për të dhe për të tjerët që më ndjekin. Shpresoj të marr nota të mira.
Ju e dini që tifozët të duan shumë sepse edhe në minutën e 90-të vrapon si në fillim.
Kjo është ajo që duhet të bëjnë të gjithë. Unë e dua futbollin dhe argëtohem në fushën e lojës. Shpresoj që të argëtoj edhe tifozët.
Ti je mbrojtës dhe prioriteti yt është mbrojtja, por goli është një emocion i veçantë. Kur do të shënosh?
(Qesh) Nuk e di. Ndoshta në të ardhmen do të vijë edhe goli, por për mua nuk ka shumë rëndësi. Kur jap asiste gëzohem njëlloj sikur të kem shënuar. E rëndësishme është që skuadra të fitojë. /'marrë nga Panorama Sport/
Presidenti i Empolit ka thënë “nuk shoh vetëm rezultatin e Napolit, por edhe notën e Hysajt”. Çfarë do të thotë kjo për ju?
E vlerësoj shumë. Ka qenë një person që më ka thënë një dorë në kampionatin italian dhe më ka ndihmuar shumë. Unë dua të bëj më të mirën për të dhe për të tjerët që më ndjekin. Shpresoj të marr nota të mira.
Ju e dini që tifozët të duan shumë sepse edhe në minutën e 90-të vrapon si në fillim.
Kjo është ajo që duhet të bëjnë të gjithë. Unë e dua futbollin dhe argëtohem në fushën e lojës. Shpresoj që të argëtoj edhe tifozët.
Ti je mbrojtës dhe prioriteti yt është mbrojtja, por goli është një emocion i veçantë. Kur do të shënosh?
(Qesh) Nuk e di. Ndoshta në të ardhmen do të vijë edhe goli, por për mua nuk ka shumë rëndësi. Kur jap asiste gëzohem njëlloj sikur të kem shënuar. E rëndësishme është që skuadra të fitojë.