36 persona kanë mbetur të vdekur dhe 76 të tjerë janë plagosur në dy sulme kamikaze që ndodhën në Kabul ditën e sotme. Shpërthimet kanë ndodhur pranë Parlamentit në Kabul. Përgjegjësinë për sulmin e morën përsipër Talebanët.
Një shpërthim tjetër ka ndodhur në Kandahar ku mbetën të vdekur 11 persona dhe u plagosën 14 të tjerë. Viktimë e sulmit ka mbetur edhe zëvendës guvernatori i Kandaharit. Emiratet e Bashkuara Arabe e njohën këtë sulm si terrorist dhe shpallën 3 ditë zie në nderim të viktimave.