Deklaratë shokuese e sulmuesit të Leicester City-t, Jamie Vardy, i akuzuar si një nga lojtarët komplotues kundër ish-trajnerit, Claudio Ranieri, që u shkarkua nga drejtuesit e klubit për rezultate të dobëta. 30-vjeçari ka pranuar se ai dhe familja e tij kanë marrë kërcënime me vdekje në rrjetet sociale edhe në rrugë.
“Historia tani ka marrë dhenë, njerëzit e dëgjojnë dhe e besojnë. Vijnë më pas kërcënimet me vdekje për ty, familjen tënde, fëmijët e tu. Përpiqem të t’i shmang, por nuk është e lehtë kur mëson se disa persona tentojnë të nxjerrin jashtë rrugë makinën ku udhëton bashkëshortja dhe fëmijët e tu. Ka ndodhur disa herë, kjo është e frikshme.”
Vardy gjithmonë i ka mohuar akuzat, megjithatë reagimi i tij nuk ka mundur të shmangë krijimin e imazhit të një futbollisti të keq dhe që nuk pëlqehet nga tifozët. Futbollisti i kombëtares angleze për këto kërcënime ka njoftuar edhe policinë, që ka mundur të bëjë pak ose aspak për të parandaluar valën e urrejtjes ndaj tij. Përgjithësisht agresorët fshihen pas një adrese në Twitter, por edhe pas episodeve që ndodhin në rrugë ne familjen e tij ku nuk ka kamera, është e vështirë të reagosh. Gjithsesi futbollisti i Leicesterit në fund të deklaratës së tij mundohet ta zbusë disi situatën.
“Jam ofenduar në të gjithë stadiumet ku kam luajtur. Është normale, si pjesë e futbollit. Gjithsesi ajo që po më ndodh mua dhe familjes time, është e papranueshme.”