Si iu thye Ramës gërshëra që nxorri te Ylli Rakipi (Foto)

Kryeministri Rama nxorri një gërshërë të thyer dhe disa pajisje të tjera mjekësore në emisionin “Të Paekspozuarit” të Ylli Rakipit, për të treguar si e gjeti “Rilindja” shëndetësinë. Jo të paktë ishin ata që dyshuan për një inskenim me qëllim për ta bërë sa më të besueshëm versionin e kryeministrit dhe sa më dramatike gjendjen në shëndetësinë që kishte lënë qeveria e shkuar. Por një “meme” e hedhur në internet ka zbulur arsyen më të besueshme deri tani se si u thye gërshëra. Sipas saj, kjo avari ka ndodhur teksa kryeministri po priste thonjtë. Kur tregoi gërshërën, në ekran ra në sy një thua i paprerë i Ramës, që sipas “memes” rezulton të ketë qenë thoi që ka thyer gërshërën. /Lapsi.al