Djali i dajës së deputetes së LSI-së u martua fundjavën e shkuar në SH.B.A dhe e ftuar speciale nga Shqipëria, nuk mungoi kushurira e tij e parë. Monika Kryemadhi komunikoi me ndjekësit në facebook, duke treguar me krenari eksperiencën në familjen e saj të madhe atje, e cila vazhdon të ruajë traditat e vendit tonë. Gati si një njoftim “zyrtar”, bashkëshortja e kryetarit të kuvendit ndau në rrjet një foto “normale”, ku shoqërohet nga e bija dhe kushurirat e saj nga Dibra.
Por festa e vërtetë është zbuluar së fundi ku vetë Monika është gjendur në bash të vendit, në momentin kur në dasmë u luajt një nga këngët më festive. “Naploni” ka bërë bashkë Monën dhe Bebe Rexhën, të dyja në mes të pistës së vallëzimit ku siç shihet nga këto video, e kanë ndezur atmosferën me kërcimin popullor. Ajo që të bën përshtypje është mënyra se si ylli i muzikës, Bebe Rexha, e kërcen dhe argëtohet me muzikën popullore porsi një shqiptare e vërtetë.