Ariana Grande dhe ekipi i saj nga turneu ‘Dangerous Woman’ kanë vendosur të bëjnë një kujtim të përhershëm të përjetimit të tyre në Mançester.
Artistët e tatuazheve janë ngjitur në skenë për t’ua vizatuar atyre bletën e Mançesterit – që është simbol i këtij qyteti.“Ka qenë një prej gjërave më të vështira që kam përjetuar”, u ka thënë shoqeve të saja këngëtarja pas koncertit bamirës në Angli. Grande do ta rinisë turneun e saj duke filluar nga Parisi.