Ajo është konsideruar si ikona e viteve 50-të. E bukur elegante, dhe një muzë frymëzimi për shumë kënd që ka bashkëpunuar me bukuroshen bionde.
Por kush ishte Marlyn Monroe , dhe si arriti ajo të pushtonte botën e kinematografisë dhe të modës në ato vite. Emri i saj i vërtetë ishte Norma Jeane Mortenson, ajo lindi më 1 qershor 1926 në Los Angelos.
Monroe ka ardhë në jetë si fryt i një aventure dashurie të mamasë së saj Gladys me Charles Stanley Gifford, i cili e braktisi sapo ajo ngeli shtatzënë. Pas lindjes së Monroe , mamaja e saj filloi të vuante nga depresioni, për këtë arsye ajo u detyrua t’a dorëzonte vajzën në një shtëpi fëmijësh, pasi e kishte të pamundur të kujdesej për të.
Monroe e kaloi fëmijërinë saj në shtëpinë e fëmijës , deri në moshën 16 vjeç, kur ajo vendosi i të martohej me James Dougherty, një mik i saj , i cili jetonte pak metra larg shtëpisë ku ajo ishte rritur. Pas martesës së tyre , bashkëshorti i saj u bashku me ushtrinë, ndërsa Marlyn u punësua fabrikë radioplanesh në vitin 1944 , aty ku u prezantua edhe me një fotograf nga njësia e parë e Kinemasë, i cili do të ishte shtysa kryesore që ajo të niste karrierën e saj, fillimisht si modele, e më pas duke u kthyer në një nga emrat më të kërkuar të kinematografisë hollivudiane.
Në vitin 1945 ajo nënshkroi një kontratë me Agjencinë e Modelingut ‘Blue Book’, pas kësaj filloi të shfaqej në kopertina të ndryshme revistash , si dhe u kthye në një personazh mjaft të kërkuar të botës së modelingut.
Por veç karrierës së saj si modele, gjw qw i premtonte njw sukses tw garantuar, ajo nuk la anash edhe pasionin e saj për letërsinë, për këtë arsye, krahas punës , Monroe u regjistrua ne një kurs letërsie, ndërsa pak më vonë ajo filloi të ndiqte edhe një një kurs veprues në Actors Lab në Hollywood.
Kur u takua me Ben Lyon, një ekzekutiv Fox Century, ai e bindi Darryl F. Zanuck që ta nënshkruante atë në një kontratë gjashtë mujore Marlyn. Në këtë kohë ajo ndërroi emrin e saj në Marilyn Monroe.
Monroe fillimisht ajo interpretoi në filmin ‘Dangerous Years’, ku luante rolin e një kamarjerje. Ndwrsa pikërisht nw kwtw kohw, ajo i dha fund martesës së saj me Dougherty, për t’iu përkushtuar e gjitha karrierës së saj. Interpretimi i saj në filmin How to Marry a Millionaire, në vitin 1953, e ktheu Monroe një një nga yjet e padiskutueshëm të hollivudit.
Në vitin 1954 ajo u martua me legjendën e bejsbollit Joe DiMaggio. Edhe kjo ishte një martesë e dështuar, pasi zgjati më pak së një vit, kjo për shkak se DiMaggio donte një grua me kohë të plotë nw shtwpi, ndërsa Marilyn donte t’i përkushtohej karrierës së saj në kinematografi.
Por kjo nuk ishte e vetmja arsye pse ata u ndanë, Joe e kishte të pamundur të pranonte fakte faktin se gruaja e tij konsiderohej si seksimboli i momentit , dhe nuk e përtypte dot faktin aq ajo kishte marrë vëmendjen e të gjithëve, kryesisht meshkujve.
Në vitin 1955 ajo u shfaq me Tom Ewell në komedinë e Billy Wilder ‘The Seven Year Itch’ E lodhur nga rolet e saj të të njëjtit zhaner, Monroe kërkoi të provonte vetën në një interpretim ndryshe.
Ajo u zhvendos në Nju Jork dhe u regjistrua në Studio Aktorësh të Nju Jorkut duke studiuar nën drejtorin, Lee Strasberg.
Strasberg ishte një nga elitat e industrisë së filmave.
Monroe u lidh shumë me Strasberg, dhe në njëfarë kuptimi, ai u bë babai që nuk e kishte pasur kurrë.
Në 1956 Marilyn ishte kthyer në Hollywood për të punuar në ‘Bus Stop Josh Logan’. Ajo u fut në dramën Arthur Miller, të cilin e kishte takuar vite më parë në një festë. Milleri mishëronte gjithçka që Marilyn dëshironte në jetë. Ai ishte një mendimtar serioz, i arsimuar dhe një shkrimtar shumë i respektuar. Ai prezantoi Monroen me rrethin e tij shoqëror, shkrimtarët e njohur Truman Capote, Carl Sandburg dhe Saul Bellow.
Monroi dhe Miller u martuan ne qershor të vitit vitit 1956.
Të porsamartuarit u vendosën në një apartament në Lindjen e 57-të në Neë York City dhe shpesh kalonin pushimet në Long Island.
Monroe tha se koha e kaluar me Miller ishte koha më e bukur e jetës së saj. “Ishte vërtetë dashuri’ tha bukuroshja seksi në atë kohë. Por i duket Miller nuk mendonte të njëjtën gjë për martesën e tyre. Dhe këtë e zbuloi vetë Marlyn kur ata ishin zhvendosur në Londër,rastësisht ajo lexoi ditarin e tij, në të cilin ai kishte shkruar se martesa e tij ishte një zhgënjim, dhe se ajo kishte qenë shpesh shkak konflikti mes tij dhe shokëve të tij, dhe se nuk ishte aq e zgjuar sa do të donte. Vargjet që lexoi, ishin një shuplakë e fortë në zemrën e aktores bukuroshe, dhe pavarësisht se ajo u mundua të shpëtonte martesën e saj, sërish nuk ia doli.
Të dy u kthyen në Shtetet e Bashkuara dhe blenë një shtëpi në Konektikat. Në vitin 1959 Marilyn u shfaq në ‘Some Like It Ho’t me Tony Curtis dhe Jack Lemmon.
Marilyn ishte larguar nga disa projekte për shkak të vonesës së zakonshme dhe për shkak se ishte e vështirë të punonte me të, dhe dhimbja e saj për martesën e dështuar vetëm i bënte gjërat më keq.
Pasi interpretoi në Let’s Make Love në vitin 1960, ajo nisi një lidhje të re me një nga bashkëpunëtorët e saj, Yves Montand, kjo më shumë se lidhje, ishte një përpjekje e aktores për të harruar bashkëshortin e saj.
Miller ,kishte shkruar një skenar për të, The Misfits, me Clark Gable, Montgomery Clift, Thelma Ritter dhe Eli Wallach. Xhirimet filluan në vitin 1960. Ata punonin së bashku.
Marilyn u detyrua të shihte që burri i saj ra në dashuri me një grua tjetër. Tre muaj pas fillimit të filmimit Miller dhe Monroe njoftuan ndarjen e tyre.
Marilyn u kthye në Kaliforni dhe filloi filmimin e filmit Something’s Got to Give me Dean Martin dhe Cyd Charisse por u pushua nga puna për shkak se ajo nuk respektonte rregullat e punës.
Monroe vdiq me 5 gusht të vitit 1962.
Aktorja vuante nga pagjumësia (insomnia) dhe për këtë merrte qetësues dhe amfetaminë.
Të dhënat mjekësore të zbuluara nga autopsia, konkluduan se mjeku Engelberg, i kishte dhënë asaj ilaçe si Nembutal dhe Chloral Hydrates, që nëse merren bashkë, këto qetësues mund të jenë vdekjeprurës.
Sipas të dhënave, rezulton se Monroe ka marrë dozë më të lartë të njërit prej qetësuesëve, Nembutal, aksidentalisht ose qëllimisht duke çuar kështu në vdekjen e saj. Aktorja, një seks simbol global, me flokët platin e figurën joshëse, ishte një prej yjeve më të mëdhenj të kinematografisë në kohën kur u nda nga jeta, në moshën 36 – vjeçare.