Sapo përfundoi një video humoristike përballë parlamentit, ku imiton kryeministrin Edi Rama duke vënë gjoba, Eduart Ndocaj, apo siç njihet ndryshe “deputeti kaubojs” kaloi pak metra më tej, te Akademia e Shkencave.
Aty e prisnin për inaugurimin e librit të tij “My life”. Pikërisht aty, në Akademinë e Shkencave. Për deputetin, që ia qëllon ndonjëherë të shkruajë statuse pa gabime në Facebook, u hapën dyert e Akademisë së Shkencave, për promovimin e librit “My life”.
Dhe Edi Rama gjeti rastin të hakmerrej dje në intervistën që dha tek Ilva Tare, kur e ironizoi duke thënë se vetëm “kaubojsi” dhe Bill Klinton kanë bërë libër me këtë titull.
