Pas suksesit në Rusi, Rumani, Ukrainë e në shumë vende të tjera ‘Nëntori” nuk pushon së dëgjuari tashmë dhe në Gjermani.
Suksesi i këngëtares 18-vjeçare, Arilena Ara po pushton dhe perëndimin, duke u përfolur kështu dhe nga faqja “Energy” për karrierën dhe sukseset e saj.
Ende pa dalë në anglisht, kënga po thyen rekorde dëgjueshmërie, është renditur në krye të këngëve më të dëgjuara në disa shtete dhe transmetohet në shumë radio.
Fituesja e X Factor Albania dhe krijuesit e kësaj kënge me në krye kompozitorin Darko Dimitrov po shijojnë prej kohësh suksesin ndërkombëtar të kësaj balade të krijuar vitin e kaluar.