Nga ai titull i tretë botëror i fituar në “Mundial 82” në Spanjë në një Kupë të botës pa Italinë verën e ardhshme. 35 vjet më pas është ndryshe atmosfera në Santiago Bernabeu ku Italia doli e turpëruar nga “ole”-ja e detit të kuq.
Kombëtarja azurre u shtyp nga Spanja me një rezultat që i thotë të gjitha, 3-0. Iberikët janë në krye të grupit G dhe tashmë është pothuajse e sigurt që Italia do të përballet në playoff për të mbërritur në Rusia 2018, gjithmonë nëse ruan vendin e dytë.