Një ngjarje e rëndë ka tronditur opinionin publik në Itali. Një 24-vjeçare që njihej si balerinë ka humbur jetën në Napoli në mënyrë tragjike pasi u tërhoq zvarrë nga makina e të dashurit. Sipas medieve italiane Alessandra Madonna ka nisur një grindje me të dashurin e saj. Ai ka vendosur ta lërë duke u larguar nga shtëpia. Vajza i është vënë pas, por nuk ka mundur ta ndalë dhe është kapur pas makinës së tij. Siç raportojnë mediat italiane ajo është tërhequr zvarrë për metra derisa ka rënë pa ndjenja në tokë. Vajza është transportuar në spital, por nuk ka mundur të mbijetojë. Mamaja e 24-vjeçares pasi mori vesh lajmin e vdekjes së vajzës tentoi vetëvrasjen, por fatmirësisht është jashtë rrezikut për jetën. I riu është arrestuar nga policisë, të cilat po hetojnë rreth ngjarjes.
