• |
ide | kryesore

Veliaj ‘fiton’ maratonën që organizoi vetë, ia kalon edhe Lorik Canës

Arkiva, Lajme, Të fundit

Erion Veliaj sot ishte i papërmbajtshëm. Në një formë të shkëlqyer fizike, ai sot ia kaloi edhe Lorik Canës në maratonën 10-kilometërshe, sipas rezultateve të publikuara. Koha që arriti sot, diçka më pak se një orë, ishte përmirësim nga viti i kaluar me disa minuta.

Ndryshe nga Sali Berisha, që verave të qeverisjes së tij thyente rekordet e veta në not, Veliajt sot iu akordua dhe një çmim nga Federata e Atletikës.

Por, ne nuk kemi pse të habitemi për këtë sukses të Lali Erit. Fundja, kush është ai përson që fle vetëm katër orë në ditë, del në punë një ditë pas dasmës dhe nuk lë as të dielën pa shkuar në punë?

Çdokush nga ne në Tiranë mund të gjejë një emër, por të gjithë bashkohemi tek Lali Eri.

Pas katër orëve të gjumit të djeshëm dhe maratonës 10-kilometërshe, ‘superheroi’ i Tiranës mbajti dhe një fjalë modeste para pjesëmarrësve.

“Unë e theva rekordin tim, nuk mora ndonjë çmim për rezultat të lartë, por unë besoj se është si puna e Tiranës, rëndësi ka që çdo vit të jemi pak më mirë se viti që kaloi, nëse vazhdojmë me këtë mënyrë besoj se do e kemi qytetin e ëndrrave tona.”

Për të gjithë ne që jetojmë një Tiranë ky është një lajm i mirë. Lali Eri ka filluar të personifikojë bashkinë me veten. Superqyteti i Veliajt do të përmirësohet sëbashku me ecurinë e tij fizike.

Duhet përmendur fakti që Lali Eri është ndryshe nga çdo superhero tjetër. Superheronjtë vepronin në qytete plot probleme. Qyteti i Tiranës nuk është i tillë. Mjafton të ndezim televizorin dhe në çdo kanal shfaqen kronikat e Lali Erit. Kronika që për të janë po aq të stisura sa problemet inekzistente të Tiranës. ©LAPSI.AL

3 Comments

  1. Aktivitete fizike jane te dobishme. Rilindja pati premtuar ritjen e aktiviteteve sportive neper shkolla. Nuk e pame. Uroj qe te behet me shume ne kete drejtim. Sa per protagonizmin me vend e pa vend e kryetarit besoj se eshte semundje e udheheqesve tane, nje difekt racor.

  2. Ky njeri vet i ben lajmet, vet i shperndan, vete i vlereson, vete ben cdo gje (dmth me nje staf prej 600 vetash qe paguhen me taksat e banoreve te Tiranes) dhe vete fryhet, sikur ti kish bere me parate e fiqve. Manipulator par excellence dhe kjo e ben ate njeri te rrezikshem, pasi jo vetem ‘vegjelia’ mashtrohet nga populizimi dhe mashtrimet e tij, por edhe disa intelektuale, per te cilet kam pasur konsiderate se kishin mendje me te hapur dhe kerkonin me shume nga jeta…

Lini një Përgjigje

Adresa juaj email s’do të bëhet publike.

Kthehu