Një 27 vjeçar shqiptar, rezident në Castel Volturno të Italisë, është arrestuar nga policia vendase nën akuzën e vjedhjes.
Media lokale bëjnë me dije se është arrestuar Edison Rohani, i cili përveç akuzës së vjedhjes së rëndë, akuzohet edhe për hyrjen e jashtëligjshme në një vend ushtarak.
I riu ishte futur brenda një baze të NATO-së duke shkatërruar të ashtuquajturin “Stacioni satelitor”, me synim për të marrë rreth 14 kg komponentë elektrik bakri dhe sistemit të ftohjes së bunkerit. Njeriu i ishte nënshtruar arrestimit shtëpiak në pritje të gjykimit./ora news