Prokuroria shqiptare ka nisur hetimet për drejtues të lartë të Policisë së Shtetit, të cilët kanë orientuar në drejtim të gabuar kontrollet nga ajri të Guardia di Finanzas.
Lajmin e bën me dije gazetarja Anila Hoxha, duke iu referuar burimeve nga organi i akuzës. Sipas saj, kjo çështje është një prej dosjeve që po hetohen nga Prokuroria.
Mbetet për t’u parë se kush kanë qenë drejtuesit e Policisë së Shtetit që kanë manipuluar patrullimet e autoriteteve italiane në hapësirën shqiptare, për zbulimin e parcelave me kanabis.
Trafiku i drogës dhe bandat e lidhura me politikën kanë marrë vëmendje pasi autoritetet italiane arrestuan Moisi Habilajn, kreun e një grupi kriminal që trafikonte drogë drejt Italisë.
Në dosjen e italianëve zbardhen përgjimet ku përmendet edhe emri i ish-ministrit Saimir Tahiri.
© LAPSI.al