Policia italiane ka finalizuar një operacion anti-drogë në Bari të Italisë, ndërsa ka arrestuar 5 persona mes të cilëve edhe dy shqiptarë.
Në pranga kanë përfunduar shqiptarët Edison Hoxha 30 vjeç dhe Enea Ioannidou 32 vjeç, ky i fundit me banim në Gjermani.
Gjithashtu policia ka arrestuar edhe italianët Giuseppe Lastella 53 vjeç, Francesco Lopez 46 vjeç, Paolo Piemonte 45 vjeç, si pjesë e bandës së trafikimit të lëndëve narkotike.
Gjatë kontrollit të makinës, policia arriti të sekuestronte 2,3 kg kokainë që ishte fshehur në serbatorin e makinës si dhe 21,800 euro.