Partia Socialiste refuzon prokurorinë për arrestimin e të akuzuarit për trafik droge

Në fjalimin që Edi Rama lexoi para deputetëve të Partisë Socialiste ai paralajmëroi votën kundër për arrestimin e ish ministrit të Brendshëm, duke e konsideruar atë linçim nga ata që kanë qëllime të poshtra.
Socialistët pranuan hetimin e Tahirit për trafikun e drogës, ndalimin e tij për të udhëtuar jashtë vendit dhe paraqitjen në policinë gjyqësore, megjithatë Rama paralajmëroi se “do të vigjilojë për garantimin e të drejtave kushtetuese të Saimir Tahirit në procesin gjyqësor”.
Po ashtu kryeministri paralajmëroi se votimi i ditës së mërkurë për Saimir Tahirin nuk do të jetë i fshehtë. “Do ta ngremë dorën të mërkurën jo për të mbrojtur Tahirin por për të mbrojtur drejtësinë” u shpreh Edi Rama.