Një banesë në Lezhë është shkrumbuar sot nga flakët e zjarrit. Nga të dhënat e para të policisë thuhet se brenda saj ndodhej edhe një familjar i moshuar, i cili dyshohet të jetë djegur.
Informacioni i Policisë:
Me datë 25.10.2017, ora 11:15 është marrë njoftim se në një banesë në Rrilë ka rënë zjarr. Menjëherë në vendngjarje kanë mbërritur shërbimet policore dhe zjarrfiksja për menaxhimin e situates. Banesa e cila është përfshirë nga flakët është private 1- katëshe dhe brenda saj ishte shtetasi Gj.D. 85 vjeç, i cili ka humbur jetën si pasojë e djegies së dhomes ku ai qëndronte. Vazhdojnë hetimet për përcaktimin e shkakut të zjarrit.