Çështja ‘Tahiri’ është kthyer në një kauzë të opozitës për të bllokuar si Kuvendin disa herë ashtu edhe në komisionet parlamentare.
Kështu ndodhi edhe sot në Komisionin e Ekonomisë. Ndërsa PD u largua, deputetët e LSI-së ndonëse në opozitë, nuk mbajtën të njëjtin qëndrim me ta, por qëndruan deri në fund në komision ku po diskutohej buxheti.
Debati në komisionin e ekonomisë:
Spaho: Nuk do bëhemi pjesë e përpjekjeve të maxhorancës për të paraqitur realitetin si normal.
Braçe: Fakt është se deputeti Tahiri është pa imunitet dhe nën hetim. Institucionet kanë mundësi të hetojnë.
Spaho: Për aq kohë sa maxhoranca mbron Tahirin, qëndrimi jonë është për të sensibilizuar opinion publik që të reagojë nga bashkëpunimi i qeverisë me krimin.
Braçe: Kreu i opozitës jo vetëm ka sulmuar prokurorinë, por ka mohuar dhe faktet.