Ditën e sotme, në Mirakë të Librazhdit, një autobus me pasagjerë goditi një makinë, duke e përplasur atë në bordurat anësore.
Mësohet se 7 persona mbetën të plagosur. Makina është shkatërruar komplet. Autobusi ka pësuar dëme në pjesën e përparme. Policia dhe zjarrfiksja janë në vendin e ngjarjes. Po hetohet për të zbardhur shkaqet e aksidentit të rëndë. ©LAPSI.AL
Policia njoftoi se në drejtim të autobusit ishte 61-vjeçari S.P., ndërsa në drejtim të veturës Volksvagen ishte 20-vjeçarja A.K. Kjo e fundit shoqërohej nga i riu B.P. 21-vjeç. Të dy janë në spital jashtë rrezikut për jetën. Në spital janë shtruar edhe pasagjerët autobusit:
F.F., 52 vjeçe banues në fshatin Xhyrë, V.A., 31 vjeçe, E.A., 11 vjeçe dhe J.M., 6 vjeç banues në Hotolisht të cilët ndodhen jashtë rrezikut për jetën.
Njoftimi i policisë:
Më datë 05.11.2017 në aksin rrugor Librazhd – Elbasan në fshatin Mirakë mjeti Autobuz me targa AA 561 PU drejtuar nga shtetasi S.P., 61 vjeç banues në Librazhd është përplasur me mjetin tip “Volksëagen Passat” me targa AA 070 IS që drejtohej nga shtetasja.
Si pasojë janë dërguar në Spitalin e Librazhdit pasagjerët e mjetit “Autobuz” shtetasit:
F.F., 52 vjeçe banues në fshatin Xhyrë, V.A., 31 vjeçe, E.A., 11 vjeçe dhe J.M., 6 vjeç banues në Hotolisht të cilët ndodhen jashtë rrezikut për jetën.
Drejtuesja e mjetit veturë shtetasja A.K., 20 vjeçe banuese në Elbasan dhe pasagjeri shtetasi B.P., 21 vjeç banues në Elbasan janë dërguar për ndihmë mjekësore në spitalin Kirurgjik Elbasan dhe ndodhen jashtë rrezikut për jetën.
Policia ndodhet në vendngjarje dhe po punon për përcaktimin e shkaqeve të aksidentit.