Sherri në një gjimnaz në Tiranë ka bërë që mësuesja dhe drejtori i shkollës të përfundojnë në polici për të denoncuar njëri-tjetrin.
Policia njofton se mësuesja V.P. dhe drejtori P.O. u paraqitën në ambientet e policisë dhe bënë denoncimet e tyre përkatëse pas konflikete që kishin për punën, edhe pse deri tani nuk ka detaje rreth sherrit të tyre.
NJOFTIMI I POLICISË:
Më datë 06.11.2017, u referuan materialet në Prokurorinë e Rrethit Gjyqësor Tiranë, për vlerësim, për shtetasit V.P dhe P.O, vjeç 46 e 43, banues në Tiranë e Paskuqan, me detyrë mësuese dhe drejtor në një shkollë të mesme, pasi dyshohet se kanë bërë kallëzim për njëri- tjetrin, pas një konflikti për punën.