Një 23-vjeçare nga Mirdita, nënë e dy fëmijëve, u përplas për vdekje në superstradën Mamurras-Milot. Ngjarja ndodhi një kilometër larg mbikalimit të Patokut.
Fëmijët e vegjël po prisnin nënën e tyre në anën tjetër të rrugës, kur Davida Dodën e përplasi një makinë, duke e lënë të vdekur në vend.
Ajo kishte kaluar superstradën për të blerë ilaçe në një farmaci. Të njëjtën rrugë, duke kaluar trafikndarëset, mori për t’u rikthyer tek fëmijët e saj.
Drejtuesi i makinës, një shtetas kosovar, u shoqërua nga policia.
Dëshmitë e vdekjeve pranë mbikalimit të Patokut janë të shumta, por kjo nuk i tremb banorët, që e kanë rutinë kalimin e superstradës në këmbë.