Punonjësi i uzinës së naftës në Ballsh ndodhet jashtë rrezikut për jetën, pas flakëve që përfshinë uzinën. Mjeku i spitalit të Fierit, Gjergji Kaçi i cili po ndjek nga afër gjendjen e tij shëndetësore thotë se 53-vjeçari ndodhet nën kontroll dhe nuk ka rrezik për jetën. Ai ka thënë se punëtori është djegur në 5-6 % të trupit. Punëtori i repartit të uzinës së naftës në Ballsh, Vladimir Ymeri mori lëndime mëngjesin e sotëm, pasi reparti ku punonte u përfshi nga zjarri.