Policia e Durrësit ka vënë në pranga dy persona, ndërsa ka shpallur në kërkim edhe një të tretë. Siç bëhet e ditur, në pranga janë vënë Lek Biba, 33 vjeç, dhe Jurgen Tufa, 23 vjeç, të dy banues në Luz, Fushë-Krujë, ndërsa është shpallur në kërkim edhe F.B. 32 vjeç.
Arrestimi tyre është bërë, pasi në Luz, Fushë – Krujë, gjatë kontrollit të ushtruar në automjetin tip Opel Corsa me drejtues Jurgen Tufa dhe pasagjer Lek Biba iu gjetën dhe sekuestruan në cilësinë e provave materiale rreth 44 kg lëndë narkotike e dyshuar e Cannabis Sativa.
Po ashtu, policia ka sekuestruar edhe dy armë zjarri pistoletë me mbishkrimin “Ecol Special 99”, kalibri 9 mm me krehër dhe fishekë. Lidhure me këtë ngjarje, materialet hetimore i kanë kaluar Prokurorisë së Rrethit Gjyqësor Krujë për veprime të mëtejshme për veprat penale” Prodhimi dhe shitja e narkotikëve” në bashkëpunim dhe” Prodhimi dhe mbajtja pa leje e armëve luftarake dhe e municionit”.