Presidenti shqiptar Ilir Meta do të vizitojë Serbinë në 3 dhe 4 dhjetor në “një vizitë jozyrtare” në komunën e Medvegjës. Lajmi bëhet i ditur nga agjencia Beta raporton e cila ka marrë konfirmimin nga qeveria lokale në qytet jugor të Serbisë. Meta do të qëndrojë në Hotelin Gejzer në Sijarinska Banja,dhe gjatë vizitës së tij në Medvegjë, ai do të takohet me këshilltarët komunalë dhe zyrtarë të komunitetit etnik shqiptar.
Agjencia tha gjithashtu se presidenti i Shqipërisë do të ketë takime jozyrtare me Nebojsha Arsicin, kryetarin e komunës dhe kryetarin e Trupit Koordinues për komunat Preshevë, Bujanoc dhe Medvegjë, Zoran Stankoviç.
Qeveria e Serbisë është njoftuar për ardhjen e ardhshme të Meta në Medvegjë. Sipas statistikave të fundit, rreth 7,000 njerëz jetojnë në komunën e Medvegjës, 520 prej të cilëve janë anëtarë të pakicës kombëtare shqiptare. Shqiptarët që u shpërngulën në Kosovë pas luftës, herë pas here kthehen në Medvegjë për të vizituar pronën e tyre dhe për të votuar në zgjedhjet lokale, bën me dije ‘Beta’.