Në kuadër të ndryshimeve në Hipoteka, është zgjedhur kreu i ri i ZRPP, Elion Semanaj. Blerina Doracaj është larguar nga detyra në krye të Hipotekës.
Krye regjistruesi i ri është zgjedhur me konkurs, i cili u hap ditë më parë, dhe u prezantua pak më parë nga ministrja e Drejtësisë, Etilda Gjonaj.
Në korrik të këtij viti, kryeministri Rama u kërkoi dorëheqjen drejtorëve të Hipotekave në gjithë vendin, pasi sipas tij nuk e kishin bërë siç duhet punën për të cilën ishin ngarkuar.
Blerina Doracaj u emërua në krye të Hipotekave në 20 korrik 2017, pas shkarkimit të drejtorit teknik Arjan Bylykbashi, i propozuar nga PD që nga marrëveshja Rama-Basha më 18 maj.