Elektricistin në Fier e zë korenti, vdes në krye të detyrës
Një elektriçist humbi jetën pasditen e sotme në Fier teksa ishte duke punuar në një shtyllë elektrike.
Policia njofton se ngjarja ndodhi rreth orës 16:15, në fshatin Kurjan, kur 50-vjeçarin Sabri V., banues në këtë fshat, e zuri korenti.
Sipas informacioneve të para, Sabri V. hipi në shtyllë për të rregulluar një defekt që erdhi për shkak të reshjeve.
50-vjeçari ka gjetur vdekjen e menjëhershme.