PSG mori humbjen e parë këtë sezon në Francë, teksa u mund 2-1 në transfertën me debutuesit e këtij sezoni në Ligë 1, Strasburgun. Parizienët e panë veten në disavantazh, që në minutën e 13-të, pas një goli të Da Kostas. Por, gjithsesi, ata arritën të barazonin në pjesën e parë, me Mbape.
Kthesa erdhi në minutën e 65-të, kur Bahoken shënoi golin e dytë për vendasit, dhe të fundit për këtë takim. Edhe pas kësaj humbje, PSG mbetet në vendin e parë, me 41 pikë me mjaft pikë diferencë nga vendi i dytë.