• |
ide | kryesore

Basha i kthen përgjigje Ramës për marrëveshjen e prokurorit

Lajme, Të fundit

Lulzim Basha i qëndron vendimit që prokurorin e ri nuk e zgjedh marrëveshja PS-PD, por vetëm Këshilli i Lartë i Prokurorisë. Në përgjigjen që i dha ftesës së radhës së kryeministrit, Basha shkruan pikë për pikë qëndrimin që ka mbajtur deri tani, që prokurori i ri duhet të kalojë vetingun dhe se ai zgjidhet vetëm nga KLP.


“Që Prokurori i Përgjithshëm të luftojë politikanët e korruptuar dhe të lidhur me krimin duhet që ai vetë të mos jetë i korruptuar dhe i inkriminuar. Dhe ka vetëm një mënyrë si mund të garantohet kjo gjë: ai duhet t’i nënshtrohet procesit të vetingut, siç e parashikon reforma në drejtësi e sanksionuar në Kushtetutë.


Që Prokurori i Përgjithshëm të mos jetë produkt i politikës, ai nuk mund të përzgjidhet dhe emërohet nga Edi Rama dhe Sajmir Tahiri, por nga Këshilli i Lartë i Prokurorisë dhe tre të pestat e Kuvendit siç e kërkon Kushtetuta.

Reforma në drejtësi është në Kushtetutë. Nuk ka reformë në drejtësi jashtë Kushtetutës. Drejtësia arrihet pikërisht përmes zbatimit të Kushtetutës dhe jo pazareve partiake” shkruan Basha në rrjetet sociale, duke qartësuar se opozita mbështet edhe krijimin e strukturave të tjera të prokurorisë special, që do të hetojë zyrtarët e lartë.

“Ne mbeshtesim pa asnjë rezervë procesin e vetingut të çdo prokurori dhe gjyqtari. Ne kërkojmë krijimin e menjëhershëm të Këshillit të Lartë të Prokurorisë që të krijohet menjëherë SPAK dhe byroja e hetimit që do të hetojë politikanët e korruptuar dhe krimin. Ka tetë muaj që në shkelje flagrante të Kushtetutës mbahet peng krijimi i Këshillit të Lartë të Prokurorisë. Ndaj ne bëjmë thirrje që kjo situatë të zhbllokohet menjëherë, që reforma në drejtësi të zbatohet ashtu siç e parashikon Kushtetuta” thotë Basha.

2 Comments

  1. qoi ne rrot lu ,vllahutin opdat e otpad. otpad nga sebishja berllog,e ne ps ka aq shum otpad serb si majko,milena,braqe,ruqi,dokle,sa as ne parlamentin serb nuk ka.

Lini një Përgjigje

Adresa juaj email s’do të bëhet publike.

Kthehu