Atalanta e Etrit Berishës firoi 2-0 në San Siro ndaj Milanit që e konsolidon krizën e këtij sezoni. Lojtarët e Atalantës kanë marrë vlerësime për lojën e bërë ndërsa nuk mungojnë fjalët e mira për portierin e kombëtares shqiptare.
“Gazzeta Dello Sport” e vlerëson me notën 6 duke shkruar se “praktikisht ai nuk u vendos asnjëherë në rrezik. E vetmja situatë e rrezikshme ishte ajo e krijuar prej tij në një dalje bosh, por e zgjidhi çdo gjë vetë me një superpritje ndaj gjuajtjes së Kalinic”.
“Eurosport” e vlerëson Berishën me notën 6.5. “Jo edhe aq i saktë në daljet e tij, por deçiziv në mohimin e golit të barazimit nga ana e kundërshtarëve te gjuajtja e Bonaventurës”.
“Calciomercato.com” i jep shqiptarit notën 6.5 duke shkruar: “I pasigurt në disa dalje, por në pjesën tjetër ka bërë më shumë pritje se në çdo ndeshje tjetër. Superman”.
“Tuttomercatoweb” e vlerëson Berishën me notën 6. “U impenjua pak nga lojtarët e Milanit. Pritja më e mirë e tij ishte në pjesën e parë nga një predhë e Bonaventura”. ©LAPSI.al