Dy persona ende të paidentifikuar nga policia kanë rrahur dhe marrë peng një taksist, me të cilin ishin nisur nga Durrësi drejt Fierit. 48 vjeçari taksist tregoi në polici se në afërsi të Levanit i kishin kërkuar të ndalej, më pas e kishin rrahur dhe futur në bagazhin e makinës së tij, për ta braktisur midis fshatrave të Kërkovës dhe Bunavisë.
Pasi ka marrë mjekimin, taksisti ndodhet jashtë rrezikut për jetën, ndërkohë që dy grabitësit janë larguar pa lënë gjurmë.