• |
ide | kryesore

Vret babain me çekiç, trupin e hedh në liqenin e Farkës

Lajme, Të fundit

Vrasja dyshohet se ka ndodhur dy ditë më parë. 28 vjeçari Selman Aliaj mendohet se e ka qëlluar të atin, Faikun me çekiç, më pas e ka ngarkuar në makinë dhe e ka hedhur në një përrua pranë Liqenit të Farkës. Policia ende nuk i ka të qarta shkaqet e ngjarjes, por dyshohet se 28 vjeçari është i paqëndrueshëm psikologjikisht.
Fillimisht, ai e ka mohuar të ketë lidhje me vrasjen e të atit. Aliaj i ka thënë policisë se kishte pasur konflikt me të atin e pas grindjes nuk dinte gjë për vendndodhjen e tij. Ka qenë një telefonatë e bërë nga djali tjetër i familjes që ka vënë në lëvizje policinë e Tiranës, ku ka lajmëruar lëvizjet e dyshimta të 28-vjeçarit. Ndërkohë që uniformat blu kanë shkuar në oborrin e banesës, ku ka gjetur shenja gjaku si dhe afër liqenit ka gjetur çekiçin, me të cilin dyshohet se Alija ka vrarë të atin.



Lini një Përgjigje

Adresa juaj email s’do të bëhet publike.

Kthehu