Një 49-vjeçar Gj.P nga Divjaka, i cili u përplas nga një automjet tip “Golf” teksa po lëvizte me biçikletë në fshatin Mërtish Divjakë, ka ndërruar jetë në spitalin e Traumës ditën e sotme.
Ai nuk ka mundur t’u mbijetojë plagëve të marra pavarësisht se i është dhënë ndihma e parë mjekësore si dhe u transportua në drejtim të Tiranës për mjekim më të specializuar.
Pas aksidentit të rëndë policia ka arrestuar Alban Pashajn, 32 vjeç, banues në Lushnje, drejtues i automjeti tip “Golf”. Ndaj tij është ngritur akuza e shkeljes së rregullave të qarkullimit rrugor.