Një 53-vjecar nga Lushnja është ekstraduar nga Italia drejt vendit tonë pasi është dënuar nga drejtësia shqiptare me 7 vite burg, pasi kishte tentuar të trafikonte në Itali një rumune dhe një moldave për t’i shfrytëzuar për prostitucion.
Ekstradimi i Arben Biçakut nga Milano u krye në bashkëpunim me Interpol Tirana dhe Interpol Roma. Ai ishte i shpallur në kërkim ndërkombëtar, pasi me vendimin Penal nr. 247 datë 10.12.2013 të Gjykatës së Rrethit Gjyqësor Lushnje ishte dënuar me 7 vite burg.
Ngjarja:
Shtetasi Arben Biçaku në bashkëpunim me të afërmin e tij shtetasin E.B, ka tentuar të trafikojë në Itali me qëllim shfrytëzimin për prostitucion shtetasen rumune A.M dhe shtetasen moldave S. R. Si rezultat i bashkëpunimit të Interpol Tirana me Interpol Romën, u bë i mundur arrestimi i tij në Itali, duke u finalizuar me ekstradimin e tij drejt vendit tonë.