Ndërkohë që Rama me të tijët ndodhet në Lezhë, Basha sot ndodhet në Vlorë. Nga aty ai ka hedhur akuza të forta kundrejt qeverisë dhe kryeministrit Rama.
Kryetari i Partisë Demokratike, Lulzim Basha, u shpreh se Tahirin, Çakon, xhafajn dhe Ramën i lidh kodi i heshtjes, pasi janë të lidhur me parimin ‘mos fol për mua, që të mos flas për ty.’
“Habilajt, Sajmir Tahirin, Haki Çakon, Fatmir Xhafajn, Agron Xhafajn dhe Edi Ramën dhe disa të tjerë, i lidh kodi i heshtjes. Shumë shpejt, falë ndihmës së partnerëve, do të dëgjoni se si shqetësimit se mos Sajmir Tahiri na shet një ditë, një nga Habilajt i përgjigjet – nuk ka si na shet, se përndryshe, e shesim ne. Kështu janë të lidhur këta me njëri-tjetrin. Mos fol për mua, që mos të flas për ty”– u shpreh Basha.