Grupi muzikor i 5 bukurosheve sapo kishin shënuar suksesin me këngën e tyre “Work From Home” kur Camila Cabello lajmëroi se do të largohej.
Në vitin 2016 kjo shkëputje e këngëtares u shndërrua në kryefjalën e medias rozë dhe arsyet e largimit të saj ishin ende të paqarta.
Tashmë që Camila Cabello po shijon suksesin e saj si soliste ka marrë guximin të flasë për herë të parë për arsyet e vërteta të largimit nga “Fifth Harmony” dhe shkëputjes së marrëdhënënies me vajzat e tjera.
20-vjeçarja është shprehur në një intervistë për “The Edit” se kur ishte pjesë e grupit ndihej e përdorur dhe nën presion nga një konkurencë e heshtur. Ajo ka treguar se ka qenë çelësi i suksesit të “Fifth Harmony” dhe se vajzat e tjera që në kamera shfaqeshin si shoqe të ngushta, i drejtoheshin me ironi dhe e shfrytëzonin.
Cabello ka mohuar akuzat e grupit të cilat kanë deklaruar se Camila u largua pa lajmëruar askënd duke shtuar se ajo ka biseduar gjatë me to para se të merrte vendimin e vështirë për të filluar karrierën solo.
Albumi i saj i parë si soliste i titulluar “Camila” flet për momentet e vështira në të cilat këngëtarja u gjend pas largimit nga grupi dhe gjithashtu për të gjithë emigrantët që vijnë në Amerikë për të krijuar një jetë më të mirë.