Para disa ditëve reperi Gjiko dhe partnerja e tij Elita Rudi kanë kalur pushimet në një resort në ishujt Maldive. Reperi po peshkonte dhe nga uji ka nxjerr një peshkaqen te vogel duke e kapur dhe hedhur në rërë.Këtë moment e ka filmuar Elita dhe më vonë është postuar në Instagramin e Gjikos.
Por duket se kjo video ka shkaktuar një problem të madh sepse Shaff Naeem një zhytës instruktor profesionist në Maldive e ka parë atë dhe i revoltuar e ka shpëndarë në profilin e tij në facebook duke shkaktuar shumë komente.
“Këtu është një video e këngëtarit të famshëm nga Kosova reperit Gjiko i cili ka peshkuar një peshkaqen dhe e ka hedhur në rërë duke bërë foto me të e duke i postuar në Instagram për të treguar sa i suksesshëm ka qënë me atë që ka bërë. Ju lutem shpërndani këtë video sa më shumë që të mundeni sepse ai bllokon çdo person që i komenton në Instagram.
Unë kam marrë një telefonat nga një numër i pa regjistruar për të mos përmendur emrin e resortit por ai është Kuredu Resort.”- ka shkruar ai.
Ky postim ka ngjallur shumë komente negative nga e gjithë bota të cilët akuzojnë reperin për këtë veprim duke e quajtur si shumë të rëndë dhe të pafalshme atë që ka bërë.
Një koment ka ardhur edhe nga menaxheri i resortit ku është shprehur se:
“Ne e kuptojmë që ju jeni të tronditur nga kjo video, sepse edhe stafi yne ndihet i tillë njësoj edhe pse peshkaqeni është rikthyer përsëri në ujë, kjo nuk na shfajëson ne për këtë veprim, vizitorët janë shtuar në listën e zezë të resortit tonë dhe autoritetet lokale janë duke e ndjekur çështjen. ”
Zhurma e madhe është bërë sepse në Maldive ekziston një moratorium për peshkimin e peshkaqenëve i cili është vendosur që me 15 mars 2010-të.
Asnjë reagim nuk ka ardhur nga reperi deri në këto momente dhe nuk dihet nëse do të flasë në lidhje me këtë ngjarje.
Ky dhe kjo “elitë intelektuale” e gjejnë veten në instagram, sikurse edhe në të gjitha shpikjet “sociale” që shumë mirë i ka spjegu i madhi Umberto Eco:
“Më përpara ata flisnin vetëm në bare pas një gote me verë, pa e dëmtuar komunitetin. Ua mbyllnin menjëherë gojën, ndërsa tani kanë të njëjtën të drejtë fjale me një fitues të çmimit Nobel. Është pushtim nga budallenjtë”