Britanikja “The Sun” zbulon një tjetër tradhti të sulmuesit të Real Madrid, Cristiano Ronaldo. Sipas të njëjtave burime ai ka tradhtuar partneren e tij Georgina Rodríguez me të cilën ka edhe një vajzë të vogël të quajtur Alana.
Sipas një komunikimi të publikuar nga tabloidi britanik, Ronaldo i kërkon modeles britanike Rhian Suggers që të flasin pasi ai është vetëm në hotel. Ajo i është përgjigjur se nuk mundet pasi do të dalë me të dashurin e saj pas pune dhe ai nuk do ta pëlqejë që ata të shkëmbejnë mesazhe pas orës 23.00.
Sipas një burimi të “The Sun”, Ronaldo e ka bombarduar me mesazhe Suggers periodikisht. Burimi i gazetës thotë se futbollisti është tërhequr vetëm pasi ajo i ka kërkuar që të ndalet pasi nuk është e interesuar të flasë me të. Ata kanë pasur një njohje gjatë vitit 2009 kur Ronaldo luante për Manchester United. ©LAPSI.al