• |
ide | kryesore

Dashamir Xhika në burg për korrupsion, nga LSI vjen thirrja për revolucion popullor

Lajme, Të fundit



Ditën që Dashamir Xhika, ish drejtori i ARRSH-së i akuzuar për shpërdorim detyre për rrugën Elbasan-Gjinar u la në burg nga gjykata, grupi parlamentar i LSI bëri një seri reagimesh kundër Edi Ramës dhe prokurorisë.

I pari që i doli në mbrojtje ishte Edmond Haxhinasto, i cili u shfaq në sallën e gjyqit bashkë me familjët e Xhikës dhe simpatizantë të LSI-së, ndërkohë që deputetët e tjerë dhanë mbështetjen e tyre me një seri reagimesh.

Për kreun e grupit parlamentar të LSI-së, Petrit Vasili arrestimi I Xhikës tregon se prokuroria është kthyer në vegël të Edi Ramës dhe të drogës. Vasili kujton çështjet e Saimir Tahirit, atë për 650 milion eurot e CEZ, për ekstradimin e Nazer Seitajt dhe të tjera për të dalë në përfundimin se “prokurorine e Rames, Markut e Xhafes nuk e beson me askush” dhe se akuzat për Xhikën janë politike.

“Rama jep urdhera politike, por nuk firmos ndersa prokuroret po firmosin dhe po shkelin e dhunojne ligjin, pergjegjesia per ta eshte individuale per sot e per mot dhe shpejt a vone asnje nuk i shpeton dot kurre kesaj pergjegjesie…..” thotë Vasili.

Në të njëjtën linjë është edhe Përparim Spahiu që akuzon prokurorinë se po i bindet urdhërave politike të Edi Ramës.

“Ditën e dielë kërkohet një masë tjetër arresti. Nuk prisnin as deri nesër, por e duan sot për të mbuluar me hi, pisllëkun që bënë me arrestimin idiot në Elbasan!

I uroj Dashit të faktojë pafajsinë e tij, ndonëse në kushte të pabarabarta!” shkruan Spahiu.

Kauzës i është bashkuar edhe deputeti i LSI në Lezhë, Viktor Tusha që shkon më tej dhe bën thirrje për një revolucion popullor.

“A thua do te kete kohe ta nenshtroje kete popull diktatori i ri? Une gjykoj dhe dua te besoj fort se nje revolucion popullor i duhet ketij vendi per te shpetuar cfare ka mbetur” shkruan Tusha.

Nuk bëjnë përjashtim as deputetët e rinj, Indrit Braimllari dhe Floida Kërpaçi që me thirrjet e tyre i janë bashkuar kolegëve. Sipas tyre, arrestimi i Dashamir Xhikës është pasojë direkte e urdhërave politikë të Edi Ramës.

Grupit parlamentat iu bashkua në orët e pasdites, edhe ish Ministri i Drejtësisë, Ylli Manjani i cili arrestimin e ish drejtorit të ARRSH-së e quan Bolshevik.

“Kjo që po shohim është filmi, skenari i të cilit u shkrua nga Rilindja! Kjo nuk është rilindja e Shqipërisë, por e Rusisë në Shqipëri! Uroj shumë që opozita të jetë në krye të lëvizjes anti-rilindje!” shprehet Manjani.



7 Comments

  1. ku mbarohen drejtoret hajdut te lsi nga dashi e ardit cela e gjithe zagaret e tjere e beni thirrje per revolucion

  2. Revolucion popullor per hajdutet ??? uhuhuhuhuhu..

    Imagjinoni se cfare do therrisnin keta te LSIse sikur te arrestohet Ilir Meta per tere ato vjedhje kolosale qe ka bere. ( mbase do kercenonin me vetflijim kolektiv ahaha )

  3. Ngjalat e lalzit po I dalin ngga fyti. Mbaje ilir meta mbaje. Udheheqes karierist. Idiot,shemtire. Je bashkefajtor per cka po ndodh ne kete vend…

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *