Mbrëmjen e sotme një 23-vjeçar u plagos me armë zjarri në Elbasan. Ngjarja ndodhi mbrëmjen e sotme në lagjen ‘Fushë Mbret’. I plagosur mbeti Raif Çaushllarin.
Ky i fundit është qëlluar nga persona ende të paidentifikuar ndërsa ai lëvizte në këmbë. Bëhet e ditur se 23-vjeçari është plagosur në krah. Mësohet se vëllai i të plagosurit rezulton me precedentë penal, por nuk dihet nëse sulmi i sotëm ka lidhje me të.
Ndërkohë, sapo u sinjalizuan për ngjarjen, forca të shumta policore mbërritën në vendin ku ndodhi përplasja, ndërsa nisën hetimet për identifikimin dhe kapjen e autorëve.