Një 31-vjeçar shqiptar dhe e dashura e tij greke u arrestuan sot në Greqi, pasi në makinën e tyre policia gjeti rreth 61 kilogramë kanabis, një revolver dhe 21 fishekë.
Lajmin e bëri të ditur “Protothema”, e cila sqaron se lënda narkotike ishte e ndarë në 50 pako në çanta udhëtimi.
Këtë vit, policia greke ka zhvilluar një sërë aksionesh në kufirin e gjelbër të Shqipërisë dhe Greqisë, pasi trafiku i drogës nga kjo rrugë është kthyer në problem shqetësues.
Dy të arrestuarit u dërguan në Prokurorinë e Kosturit.