Një aksident i rëndë ka ndodhur mëngjesin e sotëm në autostradën Durrës-Tiranë në afërsi të Sukthit. Për pasojë ka mbetur i plagosur shoferi i automjetit.
Policia ka mbërritur në vendin e ngjarjes dhe ka nisur hetimet për zbardhjen e rrethanave, por dyshohet se aksidenti ka ndodhur për shkak të lagështirës në rrugë si dhe shpejtësisë tej normave.
Drejtuesi ka tentuar të manovrojë, por makina është përmbysur. Për shkak të aksidentit, është krijuar trafik në autostradë.
